სტად როლან გაროსის სიუზან ლენგლენის კორტი, საყოველთაოდ ცნობილი როგორც კორტი სიუზან ლენგლენი, არის მთავარი საჩვენებელი კორტი პარიზში, საფრანგეთში მდებარე სტად როლან გაროსის საჩოგბურთო კომპლექსში. თიხის საფარიანი კორტი ყოველწლიურად გამოიყენება საფრანგეთის ღია პირველობის (როლან-გაროსის) დროს. ეს არის საერთაშორისო დიდი სლემის ტურნირი, რომელსაც საფრანგეთის ჩოგბურთის ფედერაცია აწყობს. კორტს სახელი ფრანგი ჩოგბურთის ლეგენდის, სიუზან ლენგლენის პატივსაცემად ეწოდა. ის ტურნირის მეორე საჩვენებელ კორტს წარმოადგენს კორტ ფილიპ შატრიესთან ერთად და მასზე იმართება მაღალი დონის ერთეულთა და წყვილთა მატჩები მთელი ღონისძიების განმავლობაში.